U duhu otvorenosti Agencije za sprječavanje korupcije za saradnju sa svima koji se zalažu za vladavinu prava, predsjednik Savjeta Agencije za sprječavanje korupcije Momčilo Radulović, direktorica Jelena Perović i pomoćnica direktorice Nina Paović sastali su se sa vršiteljkom dužnosti Vrhovne državne tužiteljke Tatjanom Begović i sekretarkom Majom Raspopović.

Tokom sastanka je razgovarano o izazovima koji su prisutni u ispunjavanju mjerila iz poglavlja 23 pristupnih pregovora sa Evropskom unijom.

Cijeneći da borba protiv korupcije zahtijeva snažan i usklađen odgovor svih društvenih činilaca, čelnici Agencije za sprječavanje korupcije i Vrhovnog državnog tužilaštva izrazili su spremnost za tješnju saradnju, kao i intenzivniju razmjenu podataka između dvije institucije.