Agencija za sprječavanje korupcije

Radionica o antikorupcijskoj procjeni zakona

17. mart 2017.

U Agenciji za sprječavanje korupcije je u prethodna dva dana održana radionica o antikorupcijskoj procjeni zakona, u saradnji sa predstavnicima Sekretarijata Regionalne antikorupcijske inicijative. Cilj radionice je bila priprema predloga metodologije za antikorupcijsku procjenu zakona, koju bi Agencija sprovodila u okviru svojih nadležnosti. 

Ekspertsku pomoć za izradu navedene metodologije je obezbijedila Regionalna antikorupcijska inicijativa. Ekspert RAI-a za antikorupcijsku procjenu zakona Tilman Hop je prezentirao moguće modele, koji su bazirani na najboljim praksama i iskustvima u regionu. Učesnici radionice su razmotrili predložene modele, čime je postavljena osnova za buduće korake koje bi trebalo preduzeti u cilju razvoja  metodologije antikorupcijske procjene. 

Radionica je organizovana u okviru Regionalnog programa za jačanje kapaciteta antikorupcijskih tijela i građanskog društva u borbi protiv korupcije.


Novosti